Ilang minuto pa ang lumipas ngunit hindi pa rin makasagot si Mico sa kanyang inang ang mga mata ay nakaburo na kay Madox na parang matutumba sa labis ditong kaba. Sa kabila ng paninitig ng Ginang kay Madox ay may kakaibang saya na naglalaro sa kanyang labi at mga mata. Hindi lang iyon makita ng kanyang anak na si Mico na nakatuon ang buong atensyon sa galit na kanyang nararamdaman para kay Madox. Nagtaas at baba na ang magkabilang balikat ng binata. Naumid din ang kanyang dila na animo ay hinila iyon papasok ng kanyang bibig ng mga sandaling iyon upang alisan siya ng pagkakataong makapagsalita. Patuloy na lumalim ang kanyang paghinga, pilit na kinakalamay pa rin ang kanyang kalooban sa sitwasyon ngayon sa loob ng unit. Hindi niya alam kung sasabihin ba sa ina ang tunay na mga nangyari o il
