CHAPTER 13
“Madz, can I talk to you?” bungad agad sa kanya ni Nia pagbukas niya ng pinto ng kuwarto niya. Kagigising lang niya at balak niya sanang magluto ng pananghalian. Tinatamad siyang lumabas at magpunta sa Cool Bratz dahil baka may makasalubong na naman siyang mga bitter at pagdiskitahan na naman siya.
“Ano iyon?” tanong niya saka nginitian ito. Hindi niya alam kung bakit siya kinakausap nito at kung saan iyon.
“Uhm . . . tungkol sa mga naririnig mo sa ibang estudyante,” sabi nito.
“Ah . . . wala naman akong naririnig na kahit na ano tungkol sa’yo,” aniya.
Natigilan ito ng ilang sandali, pagkuwa’y napangiti. “Thanks.”
Nginiian niya ito at humakbang palapit dito saka tinapik sa balikat. “Hindi naman ako naniniwala basta-basta sa mga sinasabi ng ibang tao. Ako pa rin ang magdede
