CHAPTER 22
Paglabas niya mula sa kusina ay tila walang nangyaring gulo dahil abala na naman ang lahat. Nang makita siya ni Theo ay lumapit ito sa kanya at tila sising-sisi ang mukha nito.
“Bakit ganyan ang mukha mo?” kunot-noo niyang tanong dito.
“It’s my fault, dapat hindi ko na lang siya binigay sa’yo,” sabi nito sa mababang boses.
Sininghalan niya ito ng tawa. “Ano ka ba? Wala iyon, nakaganti din naman ako kaya quits lang kami.”
Nag-angat ito ng tingin at ngumiti. “Hindi ka galit sa akin?”
“Bakit naman ako magagalit sa’yo?” kibit-balikat niyang tanong at nagtungo s order list para tingnan kung may bagong mga order.
“Obvious naman na pinahamak kita, ‘di ba?” sabi nito na nakasunod lang sa kanya.
Huminga siya ng malalim saka kumuha ng dalawang mahabang baso, hinugasan niya muna i
