CHAPTER 27
Tahimik lang silang dalawa ni Jeru habang papasok sa AIS, gustuhin man niyang magsalita ay nauuna nang umuurong ang kanyang dila at pinipigilan siyang magsalita. Pagkatapos ng nangyari kagabi ay parang hindi na niya kayang humarap pa sa binata.
Napahinto siya sa paghakbang nang marinig niya ang pagtikhim ng binata.
“Ihahatid na kita sa dorm niyo,” sabi nito.
“Ah—”
“Please?” putol nito sa sasabihin pa sana niya.
Huminga siya ng malalim at tumango na lang para matapos na ang araw na iyon sa kanila. Hanggang sa makarating sila sa dorm nila ay wala silang imikan, tuloy ay hindi niya alam kung paano magpapaalam dito.
“Madeline . . .” tawag nito sa kanya.
Napasinghap siya ng hawakan siya nito sa braso. “J-Jeru, gusto ko nang magpahinga. Gusto kong pumas
