CHAPTER 25
Kinabukasan ay agad na nagpunta sina Madeline sa IsNH para kausapin ang kanilang Principal, ang buong akala niya ay mahihirapan siyang kumbinsihin ito na ibigay ang TOR niya ngunit nakapagtatakang ibingay agad iyon nang malaman kung saan siya nag-aaral.
“Grabe, may nakain siguro iyon kaya hindi na ako pinahirapan pa,” hindi pa rin makapaniwalang saad niya habang palabas sila ng school.
“Baka naman biglang nagbago na talaga siya kaya gano’n,” sabi naman ni Jeru.
Nagkibit siya ng balikat. “Siguro,” sabi niya. “Ang mahalaga makakabalik na tayo,” nakangiting wika niya saka tumingin dito. “Kumusta na kaya sila Sir Jackson? Hindi kaya nahihirapan si Theo doon?”
“Don’t think of them,” sabi ni Jeru. “Dapat ang gawin natin ngayon ay mag-enjoy muna dahil mamaya babalik na naman tayo
