Chapter XXVIII
Nagsipuntahan kami sa guidance office nang ibalita iyon sa amin ni Onyx. Halos hindi kami magkaintindihan sa pagtakbo hanggang sa makarating kami sa office kung saan para ikumpirma ang mga sinabi ni Onyx sa amin.
Pagpunta namin ng office, nakita namin ang mga estudyanteng nagkukumpulan sa labas nito. Mukhang alam na rin nila ang ginawa nito.
“Kawawa naman si Francis. Siguradong ma-eexpel siya sa ginawa niya,” rinig kong sabi ng isa sa mga estudyante.
Ayon sa mga narinig ko, Francis Villamore ang pangalan ng gumawa nang pagsabog na nangyari sa library noong festival. Isa siya sa mga member ng science club kaya naman iyong ginamit niya na pangsabog sa library ay kemikal din na galing din sa club. May rumor din na itinago na ‘yon ng professor ng Science Club dahil nga de
