"Hmm..huwag..ang baby ko..please save my baby."
"Puso? Puso?"
Nagising ang dalaga sa tapik ng mukha niya. Nanlaki ang mata niya sa gulat at mabilis na napabangon. Nagtatakang nakatingin lamang si Possy sa kaniya. Hapong-hapo na rin siya. Ramdam na ramdam niya ang sakit at kirot ng kaniyang dibdib. Halos manlabo na ang kaniyang paningin dahil sa luha.
"Si Seb?" umiiyak niyang saad. Namumutla na rin siya.
"Okay ka lang? Kanina ka pa ungol nang ungol diyan. Basang-basa ka rin ng pawis. Binabangungot ka girl," saad ni Possy.
Pinunasan ng dalaga ang noo niya at naiiyak na tiningnan si Possy. Parang totoong-totoo ang lahat na nangyari.
Nararamdaman pa rin niya ang bawat sakit mula sa panaginip niya. Tiningnan niya si Possy at niyakap ito. Kaagad na napahagulgol siya.
"Ang sama nu'ng p
