Wala silang imikang dalawa simula kanina sa sasakyan hanggang sa nakauwi. Nagmamasid lang din ang matanda sa inaakto nila. Napailing na lamang ito. Agad na ipinarada ng binata ang kotse sa garage at nauna nang pumasok sa loob. Tiningnan naman ito ng masama ng dalaga.
"Akala mo kung sino," mahinang aniya.
"May problema ba kayo ng asawa mo, Heart?" nag-aalalang tanong ng lola nila.
"May hindi lang po naunawaan," mahinang aniya at ngumiti.
"Pasok na tayo la, kakausapin ko lang siya mamaya," aya niya sa matanda. Ngumiti ito at pumasok na sila. Nagpaalam ang matanda na dederitso ito sa lanai at may titingnan sa halaman nito. Umoo naman siya at pumasok na sa salas. Nanlaki ang mata niya nang makitang naka-kandong sa asawa niya si Kate at akmang hahalik na. Pakiramdam niya ay tumaas ang
