NAGISING si Blaine ng umagang iyon mula sa ring ng kanyang phone. Hindi maidilat ang mga mata na kinapa ang phone sa gilid ng mattress at sinagot iyon nang hindi tinitingnan kung sino ang tumawag.
“Hello?”
“Boss, si Mario ‘to.”
“Hmm,” usal niya.
“Boss, nasaan kayo? Hindi ba kayo papasok?” tanong nito.
“Teka, anong oras na ba?” tanong din niya.
“Pasado alas-nuwebe na po.”
Huminga siya ng malalim. “I don’t think I can make it today. I’m with Luna. Ayoko muna siyang iwan sa ngayon. Pakisabi kay Sheila na ipa-reschedule na lang sa ibang araw ang mga meetings ko.”
“Copy boss.”
“Just take a day off for today, Mario.”
“Sige po, salamat po.”
Matapos kausapin ang assistant ay saka pa lamang siya dumilat. Nang tumingin sa oras sa kanyang phone, kinumpirma niyon ang oras, alas-n
