“DADALAW muna ako kila Tatay Delfin at Nanay Hilda. Doon muna ako matutulog. Nabalitaan kasi nila ang nangyari sa akin at nag-demand sila na umuwi muna ako doon,” paalam ni Luna sa nobyo.
Nakita niya ang lungkot sa mata nito, tila nag-aalangan na payagan siya. Ngunit mayamaya rin ay ngumiti ito saka huminga ng malalim.
“Mahihirapan na naman akong matulog nito mamayang gabi,” sagot nito.
“Isang gabi lang naman ako mawawala eh.”
“I will be all right, love. Go ahead and spend time with your parents. Alam ko masyado ko nang kinukuha ang lahat ng oras mo.”
Yumakap si Luna ng mahigpit kay Blaine. “Thank you, love.”
“Sa susunod, isama mo na ako. Gusto ko silang makilala. Gusto ko masabi sa kanila ang intensiyon ko na pakasalan ka.”
Ngumiti siya at siniil ng halik sa labi ang nobyo. “I
