Espesyal na Kabanata 7
Rayleigh "Rage" Silverio Point of View
“Bro?” Kumunot ang noo ko nang marinig ang pamilyar na boses ni Sandro, ang pinsan ko.
Tumingin ako sa aking likuran at ibinaba nito ang suot niyang salamin.
Noong nangyari lahat ng ‘yon alam kong kasama siyang nagtungo sa Espanya upang hindi madamay sa nangyari. Umikot ang tingin nito sa kabuuan ng resort habang nasa dalampasigan ako at hinihintay na lang na lumubog ang araw. Hindi ko alam kung ano ang ginagawa niya dito ngunit kahit na ang Lolo nito ang dahilan kung bakit nawala ang magulang ko ay hindi ko kayang magalit sa kanya.
Isa ito sa itinuturing kong matalik na kaibigan at parang kapatid ko na rin.
“Hindi ako pumunta dito para sabihin sa ‘yo at makikiusap na iaatras mo ang kaso kay Lolo.”
“Hindi ko ‘yon magagawa
