Hindi ako makapag-focus sa trabaho dahil sa mga nangyari nu'ng nakaraang linggo. Hindi na ako bumalik doon dahil naiinis ako sa aroganteng Aled na 'yon. Ano'ng akala niya sa 'kin? Kaladkaring babae? Okay lang siya? Hindi dahil sa kawangis niya si Orlando ay basta na lang akong sasama sa kaniya. Ang suwerte niya naman masiyado. Kinalma ko ang aking sarili at napapikit. Tumataas ang presyon ko tuwing naaalala ko ang hambog na 'yon.
"Bibisita mamaya sa department natin si, Sir Nathan kasama ang CEO kaya umayos kayo ha. Practice-in niyo ang pagbati. Dapat synchronize at nakangiti," ani Miss H.
Napalingon ako kay Gina nang sikuhin niya ako.
"Bakit?" tanong ko.
"Parang nu'ng nakaraan ka pa balisa. Napapansin ko talagang parang wala ka sa mood. Minsan tumutulala ka, okay ka lang ba ha? Ma
