Pagdating namin sa bahay ay napaupo ako sa couch at napahawak sa ulo ko. Bigla kasing kumirot.
Sumunod naman si Orlando. Kunot na kunot ang noo.
“Kailan ka pa niya ginugulo?” tanong niya.
Napatingala naman ako at tiningnan siya.
“Hindi niya ako ginugulo,” tipid kong sagot.
“Bebeng mentioned to me that you met at the cinema. Hindi ko na lang binigyan ng pansin dahil hindi ka naman niya ginugulo,” aniya. Nakaramdam ako ng kahungkugan sa puso ko. Tumango lamang ako para sumang-ayon.
“Don’t talk to her again. Kung lalapitan ka niya ulit, umalis ka na agad okay?” wika niya. Kuunot naman ang aking noo sa sinabi niya.
“Orlando, ano ba ang mayroon sa inyo? Bakit ayaw mo na makipag-usap ako sa kaniya? May dapat ba akong malaman? May tinatago ka ba sa ’kin?” usisa ko. Tiningnan niya lang
