Hindi na ako lumabas sa silid ko nang gabing iyon at pagkadeliver ng pagkain ay sinadya ko kang idouble lock ang pintuan.
Wala ako sa mood na magpagalaw kay Addy lalo na ngayon na hindi ako sigurado sa totoong estado nila ni Gino.
Nakatulog ako at madaling araw na pala nang magising ako. Sinikap kong muling makatulog pero hindi ko na magawa pang antukin.
Bumangon ako saka ako naglakad sa hallway ng palapag na iyon. Nakarating ako sa veranda kung saan matatanaw mo ang napakadilim na kalangitan at ang malawak na karagatan.
Lumapit ako sa railings saka ko dinama ang malamig na dampi ng hangin sa balat ko. Napakalakas ng hangin na humahampas sa akin dala marahil ng nagbabadyang sama ng panahon.
Nang lamigin ako ay nagpasya na akong bumalik sa silid ko.
Napahinto ako sa paghakbang nang ma
