Lanna Esteban: The Cheerleader
Addy Velasco's POV
Marami na ang tao nang makarating kami sa party. Naabutan na namin ni Kiel sina Mama na kausap ang ibang mayayamang bisita.
Hindi nagtagal ay kumain kami sa isang table ngunit nang may mag-asawang lumapit kina Daddy ay tumayo na naman sila at iniwanan kami ni Kiel sa kinauupuan namin.
Dahil hindi pa rin ako kumportable na kasama si Kiel ay minabuti ko na lumayo sa kanya at lumapit ako sa isang waiter para humingi ng alak.
Para makaiwas sa maraming tao ay minabuti ko na tumayo na lang malapit sa may hamba ng malawak na hagdan na parang pamaypay ang hugis.
Tahimik ako na nakatayo doon habang nakikinig sa usapan ng mga tao sa paligid.
Natuwa naman ako sa pinag-uusapan ng mga lalaki sa may bandang harapan ko dahil tungkol sa sports na
