C H A P T E R 64
HINDI niya alam kung saan magsisimulang hanapin si Roxanne, tulad ni Bianca alam niyang sinasadya nitong magtago at mas mahihirapan siyang hanapin ito dahil wala siyang alam ng kahit na ano sa dalaga. Kahit si Charie hindi niya sigurado kung tama ba ang lahat ng nakasulat dito sa resume nito.
Baguio? Baguio lang ang alam nila. Walang kahit na ano ang nakalagay maliban sa Baguio. Bakit nga ba hindi niya nagawang alamin 'yon una pa lang? Hinayaan niyang makapasok sa buhay niya si Roxanne na walang kahit na ano'ng nalalaman dito. Sa pagkakataong iyon hindi siya naging matalino, hindi niya sinigurado ang mga mahahalagang impormasyon na may kinalaman sa dalaga. Inaamin niyang nagpabaya siya.
Hindi niya naman kasi naisip na bigla na lamang itong mawawala sa piling niya, pagk
