Halos hindi ko maihakbang ang mga paa ko papasok ng hospital kung saan naka-admit si Oliver. Alam na alam ko kasing ako ang dahilan kung bakit siya nandito ngayon, at kung bakit siya pinutulan ng paa.
Kapag naaalala ko kung paano umamin sa akin ang demonyo kong stalker na siya ang sumagasa kay Oliver ay nanghihina ako. Paano niya nagawa iyon? Dahil lang nahuli niya na may iba pa itong babae bukod sa akin? Ano naman ngayon sa kanya? Siya ba ako? Ano ko ba siya para magalit siya ng ganun? Tyaka kahit na may kung ano man sa amin, wala pa rin siyang karapatan gawin kay Oliver yun.
Lalo lang niya ako binibigyan ng dahilan para isumbong ko siya sa mga pulis… pero… natatakot ako na kapag sinumbong ko siya ay lalo lang siyang gumawa ng masama. Baka pati si Olive, Izie at Sanya ay sagasaan niya
