Kinuha ng pulis ang papel na inihagis ng babae at muli itong binigay doon, “Tyaka ang papel ho na iyan ay kopya niyo para kung sakali, may katibayan po kayo na dumulog kayo dito sa aming tanggapan, at yan rin ho ang ipapakita niyo sa inyong abogado at sa korte, kaya wag niyo po sanang hinahagis yan, lalo na ho sa mga taong tumutulong sa inyo. Ano po? Nagkakaintindihan ho ba tayo, lola?”
Lalo siyang hindi nakaimik at nagulat sa itinawag sa kanya ng pulis. Inipit naman ni Olive ang gustong lumabas na tawa sa kanyang bibig at nanlaki naman ang butas ng ilong ko sa pagpipigil rin ng tawa.
“Lola—?” hindi niya makapaniwalang bulong at agad na hinablot ang papel mula sa kamay ng pulis at mabilis na itong tinalikuran.
Huminga ng malalim ang pulis at saka naupo sa kanyang upuan.
“Kung makapag-r
