Biyernes ng hapon. Maaga kaming pinauwi sa unibersidad dahil may gaganaping faculty meeting para sa darating na midyear term, kaya diretso agad ako sa apartment para mag-impake.
Inilatag ko ang aking itim na duffel bag sa ibabaw ng kama at nagsimulang magsalansan ng mga damit na kasya para sa tatlong araw na camping. Mga oversized hoodies, cargo pants, damit, shorts, pajama, at ilang piraso ng t-shirt ang sunod-sunod kong isinilid.
Kasama sa inihanda ko ang isang maliit na notebook kung saan nakasulat ang mga listahan ng laro na binuo namin nina Leon at Harvey kagabi para sa mga bata sa ampunan.
Sasama sila. At mukhas mas excited pa sila keysa sa akin eh.
Seryosong-seryoso ako sa pag-aayos, tanging ang tunog lang ng zipper at ang ingay ng bentilador sa loob ng kwarto ko ang naririni
