"Mic test, mic test. Isang magandang umaga sa ating lahat, lalong-lalo na sa ating mga iginagalang na panauhin at mga mapagpalang donors!"
Ang boses ni Sister Maria ay umalingawngaw sa buong lugar, hudyat na opisyal nang nagsisimula ang Closing Event ng three-day camp. Ang activity field na kanina lang ay puno ng kalat at props ay maayos na maayos na ngayon. May mga monobloc chairs na nakahanay sa gitna para sa mga bata at volunteers, at sa harap ay may isang simpleng stage na pinalutian ng mga makukulay na banderitas at isang malaking tarpulin ng ampunan.
Nakatayo ako sa may gilid ng sound system booth, hawak ang clipboard na naglalaman ng pagkakasunod-sunod ng programa. Mula sa pwesto ko, natatanaw ko si Kuya Red na abala sa paggabay sa mga bata sa kani-kanilang upuan. Kahit na nakasuo
