♥RIANE♥
"May problema ba Ate?" nilingon ni Riane si Liane na hindi niya namalayang nakapasok na pala sa kuwarto niya. Mabilis niyang pinahid ang mga luha sa pisngi niya pero alam niyang huli na ang lahat. Nakita na nito iyon.
Hindi siya nagsalita at ang tingin ay nanatili sa cellphone na kanina pa tumutunog. Hindi niya 'yon pinansin hanggang sa kusang mamatay na ito.
"Ate..." Hindi niya na pinigilan ang mga luha at umiiyak na sumandig sa balikat ng kapatid.
"A-Akala ko kaya kong mag-isa Liane, na maaayos ko ito nang mag-isa lang ako pero hindi eh, hindi ko kaya. Natatakot ako. Sobra." Humihikbing saad niya. Alam niyang naguguluhan ang kapatid niya pero hindi ito nagsalita at hinagod lang ang likod niya.
Hindi niya alam kung anong gagawin niya. Napakasimple lang dapat hindi ba?
Sasabi
