THUNDER
"Susme Thunder, maupo ka nga at ako'y nahihilo sa 'yo."
Napahinto si Thunder sa pabalik-balik na paglalakad. Binalingan niya ng pansin ang ina ni Riane. Huminga siya nang malalim at naupo na lamang sa nakahanay na silya.
"Malakas ang anak ko Thunder, kaya niya 'to."
"Oo nga Kuya, si Ate pa ba?" pagsegunda naman ni Liane.
Hindi siya nagsalita at tipid ang ngiti na ibinigay niya sa pamilya ng kanyang kasintahan.
Dalawang oras pa lang ang nakakalipas nang ipasok si Riane sa operating room. Pero pakiramdam niya napakatagal na ng kanyang paghihintay na matapos ang operasyon. Tumingin siya sa kamay at naalala kung gaano kahigpit ang kapit sa kanya ni Riane bago ito ipasok sa loob.
Kung maaari lamang na hanggang sa loob ay makasama siya, ginawa niya na. Pero hindi pwede.
Napasand
