Pagdating sa secret hide out na kung saan kami magkikita ni boss Zach ay pabagsak akong na upo. Wala pa si boss Zach. Kailangan ko pang maghintay ng ilang minuto. Mariin kong ipinikit ang aking mga mata. Hanggang ngayon ay hindi pa rin ako maka-move on sa nahihiyang sinapit ko sa loob ng jeep. Hayop na Governor Jaxon na ‘yon. Idinamay pa ako sa kalokohan niya. Sobrang nakakahiya talaga.
Agad kong kinuha ang sulat na nasa aking bulsa ng pantalon. Ngayon ko lang babasahin itong binigay na sulat ni Aguda. Kumunot ang aking noo nang mabasa kong pagbabanta talaga at balak na patayin si Bederto. Titiyakin daw nitong mapapatay nito si Bederto bago matapos ang taon, dahil masyado raw pakialamero ang lalaki. Kahit saan daw magtago ni Bederto ay mahahanap ito. Kung sino raw ang tumulong dito ay ti
