(Suzi's POV)
Kasalukuyan akong kumain dito sa restaurant na nandito sa loob ng hotel nang biglang sumulpot sa aking harapan si Bederto. Nakita kong balisa sa mukha ito. Dali-dali itong naupo sa bakanteng silya at seryosong tumingin sa akin.
“Nasisiraan ka na ba ng bait Suzi? Bakit sinunog mo ang bahay ng pinsan ni Vecal? Alam mo bang pinahahanap ka niya?” halos pabulong na sabi nito.
“Wala akong pakialam kung ipahanap niya ako, maliban na lang kung isusumbong mo ako na nandito sa hotel mo,” nakataas ang kilay na sabi ko sa lalaki. Nakita kong napahilot ito sa noo.
“Hindi ako sumbungerong tao Suzi. Ngunit hindi lang ako ang nandito sa hotel ko. Kaya puwede ba mag-ingat ka sa mga kilos o gagawin mo, huwag kang gumawa ng desisyon na parihas nating ikakapahamak!” mariing sabi ng lalaki
