KURT DE MERCEDES
PAGBALIK NG ANAK ko sa mesa, ang lapad ng ngiti niya. Para bang may nangyaring labis na ikinatuwa niya. Nakikita ko iyon sa kumikinang niyang mga mata. Tiningnan ko siya at napailing-iling na lang ako. Sa kinikilos niya, nagpipigil siya sa kung ano ang nararamdaman sa loob ng puso niya. Sa tingin ko, kung nasa bahay kami ay nagwawala na siya sa nangyari. Umusog naman siya palapit sa akin at inakbayan ako. Pagkatapos, hinalikan ako sa pisngi. Hindi talaga siya nahihiyang maglambing sa akin sa public kahit pwedeng pagtawanan ang kinikilos niya. Hindi ko naman sa nilalahat, pero marami talagang mapanghusga sa mundo.
“I love you, dad,” malambing na sabi niya.
“Hindi ako nagulat sa katimisan mo. Pero ano ang nangyari? You look weird,” sabi ko.
Tinapik niya ako. “I’m not si
