Third POV
Habang abala si Melissa sa kusina, masiglang naghahanda ng mga pagkain para sa food trip nila mamaya, biglang sumulpot si Thisa na may dalang sobre. Agad niya itong iniabot kay Melissa.
"Thisa, ano 'yan?" tanong ni Melissa habang inaayos ang mga prutas sa lamesa.
"Imbitasyon yata. Galing sa parlor kanina, binigay sa akin ni Ate Lorna," sagot ni Thisa habang iniaabot ang sobre.
Nagtaka si Melissa at agad binuksan ang sobre. Napakunot ang kanyang noo nang makita ang nilalaman nito. Isa pala itong engrandeng paanyaya sa isang kaarawan.
“Birthday invitation?” tanong niya sa sarili habang binabasa ang detalye. Nakasaad doon na ang magdiriwang ay si Donya Elvira Marcos, ang matandang kliyente sa parlor na laging nagbibigay sa kanya ng malaking tip.
"Wow, Donya pala ang tawag sa k
