“When is Ate Corinne coming back?” tanong ni Nica. “Sabi niya dadalhan niya ako ng libro pagbalik niya pero hindi naman siya bumalik.” Hindi nakatakas sa paningin ko ang pagnguso niya dahil sa hindi pagdating ni Corinne ilang araw na ang nakalilipas.
Hindi ko alam kung dahil ba ‘to sa hormones na mayroon ang mga buntis, pero naiirita talaga ako. Kahit pangalan lang naman ni Corinne ang naririnig ko ay inis na inis pa rin ako. Kailangan ko pa tuloy huminga nang malalim para lang hindi ako sumabog. Isang beses lang niya nakita si Corinne pero grabe na ang attachment niya.
Wala namang kasalanan si Nica para sa kaniya ko ibunton ang inis ko sa babaeng ‘yon. Baka magtanong pa si Amanda sa kung ano ang nangyayari at sa panganib na pwede nilang kaharapin. At hindi pa ako handa para sabihin sa k
