"Tulungan niyo po ako!" malakas kong sigaw.
"Binibining Francesca!" narinig kong sigaw ng isang lalaki. Pamilyar ang boses niya. Si Mang Kaloy yata 'yon.
Umungol ulit ang higante at humahakbang na siya nang walang tigil kaya naman humampas ang malalaking mga alon. Nakarinig naman ako ng mga putok. Sumisigaw ang mga tao kaya napatingin ako sa daungan. Marami na pala ang mga guardia civil na dumating. Kaya pala ang daming putukan dahil binabaril nila nang walang tigil ang isang higante.
Natatamaan naman ang higante sa iba't ibang parte ng katawan kung kaya't hindi ito makahakbang. Bigla naman akong natakluban ng malaking alon kaya nalunod ako. Patuloy akong lumulubog sa tubig.
Gosh! Ito na ba ang huling sandali ko rito sa mundo? Huwag naman po! Gusto ko pang makita si Federico. Nakita ko
