Huminga rin ako nang malalim upang kumuha ng lakas ng loob. "Pasensya na, Florencio, ngunit hindi ko matatanggap ang iyong pag-ibig," seryosong sabi ko sa kaniya. "May iba na kasi akong mahal. Hindi lang talaga tayo para sa isa't isa ngunit maaari naman tayong maging magkaibigan kung gusto mo, hindi ba? Sana'y iyong maintindihan."
Sinabi ko sa kaniya 'yon sa maayos na paraan para hindi siya masaktan. Napayuko pa ako. Hindi ako makatingin sa kaniya. Pakiramdan ko, may kasalanan ako sa kaniya. Pero totoo naman. Kailangan ko siyang sagutin na hindi ko matatanggap ang pag-ibig niya dahil may mahal akong iba.
"Si Federico ba ang iyong minamahal?" narinig kong tanong nito.
Ba't pa niya tinanong? Halata naman siguro. Inangat ko ang aking ulo at napatitig sa kaniya. Napatingin naman ako sa kani
