HALO-HALO ang pakiramdam ni Roxan habang pababa sa bridal car. Abot-abot ang kaba niya habang nasa kotse. Feeling niya, anumang oras ay magri-ring ang kanyang cell phone. Ang susunod na mangyayari ay sasabihin ng caller na hindi dumating si Rav kaya hindi na tuloy ang kasal nila.
Nang nagdaang gabi sa hotel, paulit ulit niyang tinitext si Rav para i-check kung nasa room lang ang lalaki. Hindi pa na-kontento, lumipat pa talaga siya sa room para mag-check bago siya natulog. Natawa na lang si Rav. Nagbiro pa na huwag daw siyang magpahalatang namikot lang ng poging groom. Chill lang daw. Ang maging maganda lang ang dapat niyang isipin. Bago siya umalis ng room, inabot siya ni Rav at niyakap.
“Makikita mo ako bukas,” bulong ni Rav sa kanya. “Na naghihintay sa harap ng
