CHAPTER 90: SIMPLE AND HAPPY LIFE
Rhys's POV
"Rhys! Bilis! Sasaluhin na 'yung bulaklak!"
Agad akong hinila ni Isha para sumama sa ibang dalaga na nag-aabang sa sinasabi niyang ibabato raw na bulaklak.
"Heto na!"
Nawala ako bigla sa sarili ko dahil hindi ko alam ang gagawin. Nakita ko na lang na hawak na ni Isha ang bulaklak na ibinato ni Cecily.
"Ang bagal mo, Rhys!" sigaw ng kaibigan ko. "Sa 'yo ko na nga itinapat, hindi mo pa rin nasalo!" sabi niya pa.
Ngumiti na lang ako sa kanya, hindi ko pa siya puwedeng lapitan dahil hindi pa tapos ang selebrasyon. Sumunod na lang ako kay Isha nang maupo siya sa upuan namin kanina.
Nasa pinakaharap kami nakaupo, magkatabi kami ni Isha at ako ang nasa pinakadulo ng mahabang lamesa. Iba ang disenyo ng suot kong damit kaysa sa ibang dalaga na ka
