CHAPTER 80: CAPTURE THE VILLAIN
Sa pagbagsak ni Ressy sa lupa, agad na hinarap ni Cush ang grupo ng Flame Knight na nakatingin lang sa lalaking ginawa nilang mata sa loob ng Nislan.
Lalong ikinainit ng ulo niya na makita ang mga ito na wala manlang ginawa para iligtas ang taong minsang tumulong sa kanila. Naiinis si Cush na isiping isang gamit na itinapon na lang basta ang naging tingin ng mga ito kay Ressy.
"Sinong gustong sumunod?" aniya, humarap siya sa grupo na may malamig na titig at tila may nagbabantang boses.
Napaatras ang mga kawal, napakagat ng labi ang ilan at mayroong napalunok. Alam nila na hindi sila bubuhayin ng taong kaharap nila.
"Huwag kayong matakot, tao lang din siya. Hindi niya kayang kalabanin ang gaya nating lamang sa bilang!" sigaw ng isang kawal.
Agad na gumi
