MULING lumipas ang dalawang buwan. Araw ng check up ni Edna. Excited na silang malaman ang gender ng kanyang anak. Kahit ang mag asawang sina Caloy at Roma ay halos hindi nakatulog sa pag iisip. Masayang masaya sila, lalo na siguro sa araw na isisilang na ni Edna ang anak. Mas excited pa sila kesa sa kanya na ina. Pero natutuwa siya dahil alam niyang mahal na mahal nila ang anak niya. Hindi siya matatakot na palakihin mag isa ang anak dahil may karamay siya.
"Baby, this is it, pancit. Huwag mong papahirapan si nanay, ha. Team tayo dapat. Ang bigat mo na. Nag eenjoy ka ba sa loob?" nagbibirong tanong ni Edna sa kanyang tiyan habang hinihimas ito. Napalingon siya nang may kumatok sa pintuan. "Bukas po 'yan!"
Bumukas ang pintuan at iniluwa ang nakangiting si Tiyang Roma. "Ready ka na ba, Ed
