Kaagad akong sinamahan ni James sa St. Lukes Hospital para magkasama naming mapuntahan ang labi ng aking ama. Habang lulan ako ng kanyang sasakyan ay lutang pa rin ang isip ko. Labis na nagulantang ang pagkatao ko sa napasakit na balitang natanggap ko kanina.
Walang tigil sa pag-iyak si Mommy habang pilit siyang pinapakalma at hinihimas sa likod ng maid naming si Emily. Nakaupo sila sa waiting area malapit sa nurse’s station. Mas lalong lumakas ang paghikbi ko habang mas napapalapit ako sa kinaroroonan nila. Nakasunod ng lakad si James sa likuran ko.
“Mommy...” Marahang nag-angat ng ulo ang aking ina. Hapis ang kanyang mukha na nababalot ng luha. Dahan-dahan kong tiniklop ang magkabila kong tuhod upang makaluhod sa kanyang harapan. Naglebel ang aming mga mata.
Pinagsalikop ko ang aming
