Hindi niya alam ang gagawin ng mga oras na iyon habang nakatingin kay Jace at Dave na animo may silent war na namamagitan sa dalawa. Kita niyang panay ang tingin ni Dave sa kamay niyang hawak-hawak ni Jace at mukhang batid iyon ng huli kasi lalong humigpit ang kapit nito sa kanyang kamay.
"Pinabibigay ni Tita Susan," ani Dave sabay abot nito ng plastic bag na may lamang tatlong tupperware na may lamang pagkain. Pagkiwan ay nilingon nito si Jace. "Sige, pare, mauna na ako."
Nakita niya ang saglit na pagdaan nang kung anong emosyon sa mga mata nito. Hindi naman niya mapigilang malungkot na makitang ganoon ito. Dave seemed lost as he walk away. Ipinangako niya sa sarili na kakausapin niya ito nang masinsinan. Kailangan din niyang humingi ng paumanhin dito.
Nang lingunin naman niya si Jace
