CHAPTER 125:
Nakita ni Carlo ang paglabas ni Dave sa pinto, kakagaling lang nito sa opisina ni Maestro. At sa totoo lang ay hinintay niya talaga itong makalabas. Ngunit hindi niya inasahan na hindi siya nito papansinin, hindi siya maniniwala kung hindi siya nito nakita sa kinatatayuan niya dahil hindi naman tago ang pinuwestuhan niya.
Matindi ang pag-aalala niya kay Dave, sa mukha palang nito ay nakikita nang hindi maganda ang balitang natanggap nito. Kaya naman bago pa ito tuluyang makalabas ay plano na niya itong sundan at kumustahin kung bakit siya pinatawag ni Maestro. Ngunit bago niya pa ito malapitan ay may isang hotel staff ang humarang sa kanyang dadaanan.
“Tawag ka ni Maestro,” aniya.
Napalunok si Carlo, ngayon ay naiintindihan niya na ang nangyayari. At sa totoo lang ay nagsi
