CHAPTER 119:
“I have another thing to say, Dad… it’s about Jason,” pag-amin ni Samantha.
Ito ang bagay na gustong-gusto niya talagang malaman ng kanyang ama. Dahil si Maestro rin mismo ang nagsabi sa kanya na dapat na siyang lumayo kay Jason noon pang manalo siya sa eleksyon. Alam na kasi nitong darating ang araw na sisikip ang mundong ginagalawan niya dahil sa lalaking iyon, at ngayon lang niya nagawang bigyan ng solusyon ang problema niya sa mayor na iyon.
“Anong mayroon sa kalaguyo mong matanda? Huwag mong sabihing nabuntis ka niya?”
“Dad!” saway ni Samantha, sinamaan pa niya ng tingin ang kanyang ama. At sa totoo lang ay kinakabahan siya tungkol sa bagay na iyon dahil nga ilang beses na may nangyari sa kanila noong nakaraang gabi lang.
Pagak na natawa si Maestro, at alam ni Samant
