CHAPTER 112:
Ang kinaganda sa nangyaring ito ay alam na nila kung ano ang motibo ng kalaban at hanggang saan ang kapasidad ng mga ito. Sa tuwing mapag-uusapan ang hakbang nila para sa tagumpay ng kanilang hangad ay hindi nagsasawang magpaalala si Shaika na palagi nilang iisipin ang pinakamasamang epekto ng kanilang gagawin, nang sa ganoon ay alam na agad nila kung paano ito haharapin.
“Kagaya ng sinabi ko kanina, magkaiba ang gustong mangyari nina Samantha at Zeldris. Ngayon lang sila magkakampi, pero sa oras na kaharap na nila ang Dark Knight, doon lalabas ang totoo nilang pakay,” ani Shaika. Handa na sila ngayon na seryosohin ang pagpaplano laban sa balak ng gobyerno.
Umupo silang apat ng pabilog sa madalas nilang pwesto rito sa rooftop. Naroon pa sa pwestong iyon ang bakas ng abo at
