CHAPTER 95:
Alam ni Maestro na walang katotohanan ang sinasabi ni Dave, alam niya na mali ang akala nito tungkol sa maaring pinag-uusapan nina Carlo at Samantha. Pero ang problema rito, hindi niya maaring linawin iyon sa kausap niya… hindi niya maaring sabihin kay Dave na wala itong dapat ipag-alala sa pagkikita ng dalawa. Dahil kapag ginawa niya iyon, mabubuking na rin ang koneksyon nila ni Samantha.
Tatlong tao lang ang alam niyang may alam sa relasyon nila ni Samantha: sina Sinister, Viper, at Supremo. Sa pagkakataong ito ay gusto niyang alamin mismo sa tatlong ito kung may pinagsabihan ba sila tungkol sa pag-ampon niya kay Samantha mula nang mangyari ang pag-atras nito sa balak niyang maging miyembro ng Dark Knight. At ngayong nanganganib na mabulgar ang lihim na matagal niya nang it
