CHAPTER 56:
Kunot ng noo ang naging reasksyon ng dalaga dahil sa naging asta ng kanyang kaharap. Ngayon pa lang ay kung ano-anong tanong na ang naglalaro sa kanyang isipan dahil sa pagkalito sa lalaking kanyang kaharap. Sanay siya na walang kaalam-alam ang taong kanyang susunod na papatayin… kaya ngayong nakikita niya na tila masaya pa ang lalaki na makita siya rito ay hindi niya alam kung paano na ito haharapin.
“Huhulaan ko, nagtataka ka bakit alam ko na bibisitahin mo ako ngayon, tama?” nakangising tanong si Nardong Tulak sa kanya.
Ang tawag na iyon ay isa lamang alyas, ang mga taong madalas na kumuha ng bawal na gamot sa kanya ang nagbigay ng ganoong tawag sa kanya dahil isa siya sa mga unang taong nagpalaganap ng droga sa kanilang probinsya. Walang taong hindi nakakakilala sa isang
