Agaw-Tanaw (Pangatlong Bahagi)
Halos taas-kamay na napasuko na ng hatinggabi ang dalawang kamay ng orasang-bayan na nakaposte sa tore ng munisipyo ng Tagamingwit, na kalapit-gusali lamang ng presinto ng pulisya kung saan kabilang si Sarthento Sarmiento. Nadaanan kasi ito ng humaharurot na sasakyan ng pulis.
Habang binabaybay ng SUV ng imbestigador ang shortcut na daan pauwi sa bahay ni Mam Precious, biglang naalala ng guro iyung pag-uusap nila ng desk sargeant, sa bilin na rin ni Sarhento Sarmiento na tawagan ng maestra.
"Ah, Sir, naalala ko pala, nakausap ko po si Colonel Magtibay sa telepono kanina. Nais daw po kayo sana makausap nang personal sa presinto. Eh, nalagpasan na po natin ang presinto, Sir..."
Mabagal at pabulong ang naging sagot ng nagmamanehong imbestigador. "Ganun ba. P
