Putok-Araw
Umabot na ang ingay ng barilan at putukan mula sa Hacienda Sugay tungo sa talampas na nasa tapat ng tagong daungan. Bagaman ipingdiwang nila Nanay Biding at ng kaniyang mga kasamahang puristang aswang ang kanilang pagkakatuklas na si Arvin ay isa ring katulad nila, kasalukuyang hindi siya magkandaugaga sa dami ng mga text, mga tawag at mga mis-call na pumasok sa kaniyang cellphone at kailangan niyang respondehan.
"Oo, h'wag kayong bibigay! AT h'wag na h'wag n'yong ilalabas ang inyong pagkaaswang hanggang hindi pa ako nagbibigay ng go-signal! Okey, okey, ganun ba! Nandito siya! May magandang balita! Pero, sige, papupuntahin ko pa ang ilan sa mga kasama natin d'yan bilang reinforcement! Tayo pa! Mga beterano tayong lahat sa g'yera! Kung World War 2 eh nalusutan natin eto pa kaya
