Best Friends Forever
Pusturang-pustura si Mayor Salvador Esmerillo Sugay sa kaniyang barong tagalog na gawa sa husi, sa pantalong de-sadya ang pagkatahi at sa kaniyang makinis na sapatos na balat na binili pa niya nang minsan siyang makasama sa Hong Kong, sa isang convention ng mga alkalde mula sa iba-ibang bayan sa magkakalapit na bansa sa Asya. Habang nakaupo ang alkalde ng Tagamingwit sa isang materyales puwertes na sopa sa bulwagan kung saan tumatanggap ng mga panauhin ang gobernador ng Calamianan, may pumasok na isang pamilyar na mukha at tumabi kay Mayor Sugay.
"Engineer Viller, wow, small world!"
"Hi, po, Sir," ang agad na bati ng inhinyerong kontratista, "yes, small world! And alam n'yo namang kailangan nating maging busy, busy, busy sa maraming projects para development ng prov
