ALAS-DOS y medya ng madaling araw. Natutulog na si Lia nang magising siya dahil sa dalawang magkasunod na putok ng baril. Nagpupungas pang bumangon siya at sumilip sa bintana na nasa ulunan lang kama nila doon sa barn house. Nang lumingon sa tabi ay tulog na tulog na rin si Michael.
Biglang umahon ang kaba sa kanyang dibdib, hindi siya maaaring magkamali, alam niya ang tunog ng putok ng baril dahil sundalo ang kanyang ama at pulis ang kakambal niya. Nang hindi mawala ang kaba ay saka niya ginising ang asawa.
“Schatz,” wika niya habang niyugyog ang braso nito.
“Hmmm…”
“Gumising ka, Michael…”
“Bakit?” pupungas-pungas pa na tanong nito.
“May narinig akong putok ng baril sa labas, dalawa! Baka kung ano na ang nangyari,” kabadong sagot niya.
Hinilamos nito ang palad sa mukha saka s
