“HAVE you seen the news this morning?” tanong ni Sofie sa kanya habang naroon ito sa bahay nila.
Alas-dos ng hapon nang dumating ito kasama ang isang delivery boy dala ang isang malaking paper bag na puno ng mga sample lingeries na bigay sa kanya ng Silhouette. Kasama na doon ang mga sample ng isang set bagong make-up at ang isang kahon ng mga casual wears na bigay sa kanya ng clothing company na mino-modelo niya.
“Hindi pa, bakit? May nangyari ba?” nagtatakang sagot niya saka nilapag ang isang baso ng juice sa mesa at binigay dito.
Kinuha nito ang phone at may pinindot, mayamaya ay binigay nito sa kanya iyon. Kunot-noo siyang naupo sa kaagapay na silya at bahagyang nanlaki ang mga mata niya nang makita ang tila stolen shots ng isang lalaki at babae na
