DAPHNE’S POV
“Are you okay?”
Napalingon si Cian nang magtanong ako. Sabay kaming naglalakad palabas sa gate para samahan ko s’ya hanggang sa motor n’ya. Hinatid n’ya ako halos kalahating oras bago pa ang napag-usapan nilang oras ni Daddy at nakipag-usap lang s’ya saglit kina Mommy at Daddy bago nagpasyang umuwi na. Gumagabi na rin at ayaw ko namang gabihin din s’ya sa daan kaya sinabi kong umuwi na s’ya kahit na gusto pa sana n’yang magtagal sa bahay.
“Of course,” sagot n’ya at lumingon pa sa gawi ng bahay namin bago yumuko at kinuha ang kamay ko. Nasa tapat na kami ng gate kung saan nakaparada ang motor n’ya. Sinalubong ko ang tingin n’ya nang marahang pisilin n’ya ang kamay ko. “I finally got the chance to take you out. Why wouldn’t I be okay?” sagot n’ya at saka nginitian ako. Natata
