Aleya's POV
Hindi ko alam kung ano ang sadya sa akin ng ama ni Enrique ngunit ipinatawag niya ako at pinapupunta sa library. Magmula nang magkausap kami sa loob ng opisina ni Ninong ay ngayon lang ulit kami mag-uusap. Madalas kasi ay sa isa pa nilang bahay ito naglalagi kasama ang asawa nito at ng ikalawang anak na lalaki. Sa bahay na ito ang madalas na nandito naman ay si Enrique, Gigi at ang tita nito na kasalukuyang nasa ibang bansa pa at nagbabakasyon
Nang makarating ako sa tapat ng pintuan ng library ay huminga ako ng malalim bago kumatok ng tatlong beses.
"Come in," narinig kong sagot ni Mr. Villareal mula sa loob ng silid.
Pagpasok ko sa loob ay nakita ko siyang nakaupo sa mahabang sofa at may hawak na basong may laman na konting alak. Ngunit pakonti-konti lamang ang pagsimsim
