“Oh, Angie, kumain ka ng marami ha!” ani Rina sa kanya.
Nasa bahay siya nina Rina nang hapon na iyon dahil birthday pala ng kapatid nito at may kaunting handaan. Nandon din sina Romel at si Oscar at kasalukuyang nagkukwentuhan pa ang dalawa sa labas ng bahay nina Rina habang siya ay nasa loob na kasama si Ella.
“Tama Angie. Ngayong buntis ka doble na dapat ang kinakain mo kasi mabilis raw magutom ang mga buntis.” Sabi naman ni Ella.
“Oo nga. Mas mabilis na talaga akong magutom kahit marami naman akong kinakain.”
“Suwerte mo rin kay Mory, ano? Gwapo na mayaman pa. Akala ko pa naman sa’kin siya mapupunta, yon pala may sekreto na kayong patitinginan. Sabagay, lagi kasi kayong magkasama kaya hindi nakakapagtakang nadevelop kayo sa isa’t-isa.” Kibit-balikat pang sabi nito.
Ngumiti na
