------
***Arabella's POV***
-
Nakaupo si Eryiel sa isang upuan sa hardin, yakap-yakap ang sarili habang tahimik na umiiyak. Kahit hindi siya nagsasalita, ramdam ko ang bigat ng kanyang loob. Alam kong labis siyang nasaktan sa ginawang pagsampal sa kanya ni Tita Andrea. Ito ang unang pagkakataon na sinaktan siya ng kanyang ina, kaya’t doble ang sakit na kanyang nararamdaman—mas matindi pa kaysa sa sampal ng kanyang ama. Sanay na kami sa ugali ni Tito Salve na manampal kapag galit na galit ito. Maging si Jodi ay minsan nang nakatikim ng sampal mula sa kanilang ama.
Huminga ako ng malalim at marahang lumapit sa kanya, ngunit bago pa ako tuluyang makalapit, biglang tumunog ang cellphone ko. Mabilis kong inilabas ito mula sa bulsa at tumingin sa screen.
Si Harold.
Saglit akong napakurap b
