Chapter 19
Chantal’s Pov
NAKAUPO parin ako sa tabi ni Honey habang nakikipag inuman sa kanya. Hindi ko na mabilang kung pang ilang shot ko na ‘to. Basta ang alam ko ay hindi na tatlong beses.
Yung alak kanina na mapait ay nagiging matamis na para sa ‘kin. May pulutan din na inorder si Honey pero hindi naman siya kumakain. Ako lang ang kumakain bawat inom ko ng alak. First time kong gawin ‘to at mas lalong ito ang unang beses na nakipag inuman ako sa lalaki. Baliw na nga yata ako at siya pa talaga ang kasama ko.
Nakaka dalawang bote na din kami at paubos na naman ang pangalawa. Gusto ko pa uminom pero yung katawan ay namamanhid habang ang ulo ko ay nakakaramdam na ng hilo.
Pero kahit nahihilo na ako ay hindi ko parin magawang tigilan ang alak. Bawat abot kasi ni Honey ay iniinom ko.
